Accidente frontal entre dos Hyundai Accent, dos persona a resulta herida

Morgenster – Diaranson mainta pa mas o menos 8:30 polis ta bay Morgenster pa un accidente di auto cu hende herida.

Na yegada ta topa cu dos auto Hyundai Accent, den ambos auto tawata tin hende herida.

Segun nos a compronde e Hyundai Accent color shinishi a slip debi na caminda muha y dal trafico contrario.

Dos ambulance a presenta pa atende cu esnan cu tawata tin dolor y despues a sali cu nan direccion Hospital.

Ambos vehiculo a sufri basta daño material.