Bubali – Diamars mainta algo pasa di 9’or polis a wordo informa cu ariba e caminda di Washington tin un Nissan March color blanco coriendo iresponsabel. Den e auto lo tawata tin un pareha pleitando.
Un patruya a bay ariba e caminda pa mira si e ta topa cu e auto aki, pero no ta haye.
Algun rato despues e mesun dama cu tawata den auto aki a pidi asistencia di polis. Elo tawata kier a bay busca su pertencianan na cas di e guy.
Polis a compañe, pa evita cualkier confrontacion cu e guy. Di Koyari nan a bay un adres na Bubali, pa busca su cosnan.
E guy mes no tawata eynan, parse cu e lo tawata sa cu polis ta biniendo cu e dama. Parse cu elo a bay sconde cu e auto un caminda den e mondi eybanda mes.
Segun e dama durante cu nan tawata discuti e homber a dal varios mokete, tanto den su cara y cabes.
Den pasado elo a pordona e homber pa su actuacion y lo a hala aden keho entrega di maltrato.
E biaha aki ta mustra cu e homber no ta cambia toch y ta/lo sigui pone man ariba e dama. Pues e ultimo palabra ta den man di e dama mes pa termina tur cos y evita lo peor.
