Palm Beach – Diasabra anochi un atraco lo a sosode ariba e Parking Lot di Hyatt Regency Aruba.
Prome informacion a bisa cu un turista lo a wordo atraca of horta door di 4 hende homber.
Mesora unidadnan policial a bay unda e incidente a tuma luga.
Un team special di polis cerca a yega prome na e sitio, y a logra gara un hoben cu lo ta forma parti di e gang cu a atraca.
Mester bisa cu pa polis na e sitio e situacion tawata poco bruha, paso esun cu a bati alarma no ta e victima. Esun of esnan atraca lo a bay tras di e atracadornan cu a core bay.
Y te na momento cu polisnan tawata na e sitio aparentemente e victima no a aparece. Pa e motibo cu nos a bisa caba anteriormente, dus cu ela sali core bay tras di e grupo. Algo cu no ta consehabel.
Pa loke ta e unico atracador cu nan a logra gara, ela wordo hiba warda di Strand Politie.
Polisnan a busca rond y a controla algun persona den e area pero sin resultado.
Pero, autoridad tin un di nan deteni y elo mester bay papia of keda keto.