Oranjestad – Diasabra mainta 11’or polisnan a hayanan ta bay cu urgencia pa area di Renaissance, unda e Heli Pad ta.
Informacion a drenta cu dos criatura lo ta bezig ta drief ariba un floater, direccion unda e cruseronan ta ancra.
Patruyanan di Playa a bay varios area, pa asina trata na wak si por mira e float cu e muchanan. Un lo tin 3 aña.
Via waf mes no por a mira nada, tambe algun Yate tawata tira bista y nan tampoco a mira nada.
Cada minuut e situacion tawata birando mas y mas tenso, paso no tawata yin ningun pista di e float.
Tanto pa e mayornan y polisnan minuutnan tawata parse ora.
Despues di un rato polis ta haya informacion cu e shuttle boat di Renaissance a topa cu e muchanan, y cu nan tin nan abordo sano y salvo.
Y cu nan ta bayendo pa bahanan unda e mayornan ta. Segun nos a compronde e tata lo a bira su lomba un rato y biento duro a pusha e float.
Mesora patruya a bay e sitio indica, cu tawata ariba Linear Park, pabou di e crusada di Adrian Lacle. Eynan Ambulanca a presenta y Paramediconan a controla e muchanan cu danki Dios tawata den bon condicion. Paramediconan mester a tira un bista ariba mama di e muchanan cu si a bira malo na e sitio.
Esaki sigur sigur tawata algun rato di angustia pa e mayornan.