Oranjestad – Tres di maart Sra Ana Quandus a crusa caya dilanti su cas, sin sa cu esey tawata su ultimo biaha cu elo crusa e caminda ey.
E chauffeur Venezolana aki despues di Carnaval tawata bayendo direccion nort y ta dal Sra Ana Quandus, lastrando e algun meter y ta sigui bay pues e no a stop.
Algun auto su tras cu a mira kiko a pasa tampoco a para y mira kiko a pasa. Nan a cera wowo y a sigui bay manera nada un pasa, sin curason.
Team investigativo di trafico a traha incansablemente, pa logra pone man ariba e unico pista cu nan tawata tin, un auto Nissan Tiida RHD.
A keda chek tur pista, e caminda cu ela core etc etc. Y algun dia pasa, a yega asina cerca cu tawata falta algun detayes pa por a pone man ariba e persona.
E diadomingo 3 di maart e muhe aki a sigui strit, y a bay un adres den Semeleerstraat y lo a keda eynan.
E mes ta biba na Hooiberg.
Elo a bisa hende of hendenan cu elo boks despues di Carnaval.
Hunto cu mas hende, nos no ta bay menciona sitionan pa no daña e investigacion ela pasa pa drecha e auto.
A bay un compania pa drecha e Windshield, lamentablemente niun di e hendenan aki tawata tin e desencia di a contact autoridad.
18 di Maart Sra Ana Quandus su curpa no a duna mas y ta fayece, birando asina e di 2 morto den trafico.
Prensa a haci diferente apelacion na e chauffeur pa bin dilanti, pero tur tawata envano.
Polis no a stop y nan a sigui investiga y dia 27 di maart 2019 haya e “yabi” pa detene e chauffeur. Den oranan di merdia ta detene e muhe aki sospechoso principal den e caso di hit and run fatal di Tanki Flip.
Na altura di Cas di partido AVP ela wordo para y deteni, den e Nissan Tiida cu ela dal Sra Ana Quandus.
Pues despues cu ela logra saca sla di e auto e tawata circula ariba caminda tambe, manera nada un pasa.
Loke e chauffeur a overlook
Dia ela comete e hit&run cierto parti di e vehiculo a keda atras, y hunto cu algun otro evidencia a yega na e dia di detencion.
Manera nos a bisa anteriormente, e chauffeur a wordo yuda door di un of mas hende, pues si nos ta corecto lo bay tin mas detencion den e oranan of dianan nos dilanti.
Tur esnan cu a coopera pa tapa e caso horibel aki.
Na yegada di e chauffeur na Warda di polis na Balashi nos no por a detecta niun rato algo di remordimento ariba su cara, ela cana drenta warda sin boei na man bay paden.
Sra Ana Quandus por sosega na pas awor.