Bucutiweg: Dialuna pa mas o menos 6’or di atardi ta sosode un accidente riba bucutiweg, un pickup ta dal un dama ciclista y e ta keda herida, cu urgencia ta pidi pa presencia di polis y ambulance.
Polis di trafico y e Rapid Response di Ambulance ta yega hopi liher na e sitio.
Na e sitio nan ta bin compronde cu un pickup a sali for di Alablancastraat y a subi Bucutiweg dilanti di un dama riba su bais, e pickup no a duna e ciclista preferencia y a dal e ciclista. E impacto fuerte a laga e dama ciclista herida, su situacion no tabata grave. Ambulance tambe a presenta na e sitio.
E dama ciclista no tabata su so, tabata hunto cu un ciclista mas, pero e no a wordo alcansa pa e pickup. E caminda di Bucutiweg, ta un caminda cu ta wordo hopi usa pa practica e deporte di ciclismo y tambe tin hopi hende ta cana atardi riba e caminda aki. Chauffeurnan mester ta hopi atento awendia riba caminda, pa motibo cu tin hopi hende ta haci deporte riba of canto di caminda.