Cura Cabay – Diaranson anochi un patruya di San Nicolas a keda totalmente destrui momento cu e tawata bayendo direccion Pos Chikito. Esaki tawata relaciona cu e persecusion di un auto cu a hit and run na Piedra Plat.
Tawata den careda di 7:50 p.m, momento cu a saca un patruya di San Nicolas pa bay yuda na Pos Chikito, pero mucho leu e patruya aki no a yega.
Altura di KINPPO FOODCENTER ta haye envolvi den un accidente hopi serio cu otro 2 auto.
Tambe ta ranca un palo di luz completo.
Den e accidente aki tres persona a resulta herida, y mester a pidi tres Ambulance pa e sitio.
E vehiculo di polis ta di e flota nobo marca Isuzu, cu a keda totalemente destrui.
E caminda a keda pa basta rato cera, pa departamento di trafico haci nan investigacion.
Tres ambulance a presenta na e sitio y nan a transporta tres persona herida pa haya tratamento medico.
Chauffeurnan mester pone mas atencion ariba caminda y duna polis/brandweer/ambulance nan esapcio. Di otro banda, esnan usando zwaailicht y sirene tambe mester tene cuenta cu no ta tur persona ta reacciona lihe y cu esaki por causa un desgracia hopi grandi, debi na e velocidad e momento eynan.