Piedra Plat/ Pos Chikito – Diaranson anochi den careda di 8’or un empleado di Pizza Hut durante cu e ta deliver Pizza a wordo gedal door di un otro auto.
Esaki tawata altura di Weng Kee Supermarket na Piedra Plat. Loke mester a bira un simpel boksmento y cu seguro mester a wordo yama a coy otro direccion.
Letterlijk otro direccion, paso e chauffeur di e Toyota Corolla cu a dal e auto di Pizza Hut a sigui core. E empleado a dicidi di sigui su tras y avisa polis.
Asina ela keda avisa polis unda e ta bayendo etc etc.
Helicopter tey bek
Pa mala suerte di e chauffeur di e Corolla preto, e Helicopter di polis tawata den Aire. Mesora esaki a bay e area, unda e Toyota Corolla tawata bezig ta bay.
Na un manera basta coordina tawata indica e patruyanan na tera movecion di e Corolla.
E Corolla tawata purba yega Sero Alejandro, eynan e auto ta registra.
Panort di ex DTI na Pos Chikito polisnan a blokia su paso y ta detene mesora.
Na stuur un homber basta jong, y tawata mustra di por tawata bou influencia di algo.
Polisnan a pidi transportwagen pa e wordo hiba warda di Santa Cruz, pa despues nan bay test e.
Empleado di Pizza Hut tambe a bay panort di ex DTI lokaal, pa e por duna polis di trafico su datosnan.
Takelwagen a wordo pidi pa bay cu e Toyota Corolla.