Home » Dos turista hoben bou influencia a haya un camber complimentario na Warda di Shaba

Dos turista hoben bou influencia a haya un camber complimentario na Warda di Shaba

by Admin
0 comment 45 views

Palm Beach: Diaranson den oranan di atardi presencia di polis ta wordo pidi na Holiday Inn Beach Resort pa dos turista hoben cu tabata bou influencia y tabata molestia otro turistanan riba beach.

Na yegada enberdad nan ta topa cu e dos turistanan aki y ambos tabata basta bou influenciay enberdad tabata molestiando otro turistanan riba beach.

Mirando e comportacion di e dos turistanan aki y pa evita cu nan ta sigui causa molester riba beach, e agentenan policial na e sitio a dicidi di detene nan. Durante cu a bay over na detene e homber, ela bira fastioso y a manda scop, e dama a wordo carga hiba na e transportwagen.

E agentenan a pidi pa transportwagen di polis pa transporta ambos prome pa e oficina di Strandpolitie y despues cu a caba cu nan eynan, a dicidi di hiba ambos cu transportwagen di polis pa Warda di Shaba. Na warda di shaba ambos a haya un camber gratis pa nan sosega nan curpa.

Na e oficina di Strand Politie e fiscal auxiliar presente a papia cu ambos y a informanan cu nan lo keda deteni paso ambos ta basta bou influencia y cu nan lo tin cu keda te ora nan bin bij, despues lo laganan den libertad bek.

Na momento cu e transportwagen di polis a yega cu nan na Warda di Shaba, e dama turista a saca den e auto.E homber tabata cana mane perdi rond, ambos a wordo hinka den cel.

Como turista nan a pasa den un experiencia otro, cu mayoria di turista no lo pasa aden.  Probablemente nan lo a bebe diferente bebida alcholico y esaki ta e consecuencia, drumi algun ora den un cel na lock, calor y drumi riba beton, sin luho di camber di hotel.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio