Ceramento di caminda en conexion cu asfaltamento.

ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda  di Jaburibari te cu Papaya cu lo bay cer’e parcialmente pa asfalta e caminda. Trabounan preparativo lo cuminsa awe 19 di maart 2019 y lo asfalta diabierna 29 di maart 2019.

E caminda cu lo asfalta ta di Jaburibari 3 te cu Papaya 15e.

Lo indica e ruta alternativa cu baricadanan y borchinan di aviso y e orario di ceramento lo ta di 8’or di mainta pa 4’or di atardi.

En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.