Home » Prome morto di trafico ariba rotonde Super Food. Homber di 31 aña a perde su bida ora ela bolter cu su auto

Prome morto di trafico ariba rotonde Super Food. Homber di 31 aña a perde su bida ora ela bolter cu su auto

by Admin
0 comment 55 views

Sasaki – Diasabra marduga alarma grandi a wordo bati pa un accidente serio na e rotonde nobo di Superfood. Polis a yega y a topa cu un auto por bisa gebolter ariba su dak, un pia so di e ocupante tawata visibel bou di auto.
Mirando con destrui e auto a keda y no tin manera pa yega na e victima a pidi pa Materiaalwagen di Brandweer.

Algun minuut despues cu Brandweer tawata na e sitio mesora nan a bay den accion, pero mucho no por a haci mas. Por bisa cu e ocupante lo a fayece al instante, mirando cu ela wordo saca di e auto ora ela bolter. Velocidad sumamente halto lo ta e causa principal cu a pone perde control ora e tawata yegando e rotonde.

For di Cuerpo Policial nos a haya e siguiente:

“Diasabra madruga pa 3:46 central di polis ta wordo notifica cu un auto a cabi bolter na retonde di Super Food. Patruya ta jega na e sitio di e sucedido y ta topa cu un hyundia elantra cora , numera A-64128 . Ta pidi pa materialwagen y ambulance mirando e victima ta pega den e auto.
Materialwagen a corta e auto y a saca e victima. Ambulance na e sitio a trata e victima pero lamentablemente no por a haci nada mas . Pa 4:50 dr Texier ta constata morto di Ferdinand Samuel Jonathan HSING , naci na Aruba 20 juli 1987. (31 aña). Specialista di trafico a presenta pa haci nan investigacion . Tambe slachtofferhulp pa juda y guia e famia den e momento dificil aki. Cuerpo Policial ta extende palabra di condolencia na famia di e fayecido”.

Nos kier manda palabranan di forsa na famia di e victima.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio