Home Police Security maltrata na Royal Plaza a fayece door di e golpi fuerte...

Security maltrata na Royal Plaza a fayece door di e golpi fuerte na su cabes

Oranjestad – Aruba
Diabierna mainta den careda di 8:30 a.m, informacion a drenta cu e security maltrata diahuebs anochi na Royal Plaza a fayece. Manera nos a informa anteriormente, dos colega security a discuti y dado momento un a dal e otro un mokete hopi duro, causando cu ela cay y dal su cabes. Ta trata di securitynan di Rhodhana Security Services and Consultancy.

CUERPO POLICIAL ARUBA a informa lo siguiente :

“Un vigilador maltrata na altura di Mojitos a fayese

Diahuebs anochi 9.55 Central di Polis a haya un yamada cu na altura di Mojitos un vigilado (bewaker) lo mester a maltrata un otro vigilado.
Na yegada di patruya ta detene e vigilado R.A. di 48 aña y e otro vigilado ta wordo transporta cu maximo urgencia pa hospital.

Awe mainta pa 8.30 dokter Lilbebaha ta constata morto di e victima Lisandi Eanriguez Veliz naci na Peru 6 augustus 1953.

Cuerpo Policial ta extende palabra di condolencia y forsa na e famia di e fayecido”.