Autoridad Peruano ta logra desarma un organisacion criminal en cabesa pa e Homber Mericano Joshua Brown, miho conoci na Peru como La Bestia, e organisacion tabata tene su mes ocupa cu organisa orgies cu mucha di 4 pa 7 aña, nan clientenan tabata turista pedofiel cu tabata di vacacion na Peru. Brown tabata contacta pedofielnan via un forum priva riba internet.
Lima, Peru: Diamars ultimo, e homber mericano Joshua David Brown di 53 aña a wordo condena cu un castigo di 27 aña di prison, e ta wordo ela wordo condena pa traficacion di hende y pornografia infantil, desaparicion di hende y tambe morto di dos menor di edad.
Brown tabata forma parti di un organisacion criminal, cu tabata secuestra muhenan y asina usanan pa duna servicio sexual na turistanan cu tabata di bishita na Peru. E turistanan por a comunica cu e organisacion aki via un pagina riba internet cu ta yama The International Sex Guide.
Brown tabata fungi como manager di un compania di importacion y apart di esaki e tabata organisa orgies pa turistanan y den e orgies nan aki e tabata ofrece menornan di edad incluyendo muchanan muhe di 7 pa 4 aña di edad. Yiu muher di un di su complicenan tambe a keda condena cu 8 aña di castigo di prison.
Brown a keda 3 aña pasa deteni, e investigacion tabata en cabesa pa e hefe di Direccion di Investigacion di delitosnan contra Traficacion di Hende di e Cuerpo Policial Nacional. E hefe Oscar Gonzales, a informa na prensa cu Brown tabata maneha un forum priva riba internet, caminda e tabata haya contacto cu pedofielnan di diferente pais cu tabata en busca di turismo Sexual infantil na Peru.
Gonzalez a agrega tambe cu e informacion preliminar cu nan a ricibi a yudanan desarma e banda aki cu a bin for di Colombia.
E operativo policial aki a logra detene Brown y su complicenan na aña 2015. Durante e operativo aki nan a logra rescata 7 menor di edad, cu tabata wordo usa pa traha materialnan pornografico infantil y otro 7 muhe mas den cual 2 tabata menor di edad, y nan tabata wordo teni contra nan boluntad y abusa sexualmente.
