Accidente na subida di Lago Heights a laga dos auto cu hopi daño material y un persona levemente herida

Lago Heights – Dialuna mainta trempan den careda di 7’or polis ta bay subida di Lago Heights pa un accidente di auto.

Na yegada nan a topa cun Toyota Vitz y un Mitsubishi Outlander. Segun polis a compronde e Vitz a slip den e bocht y bay dal contra e Outlander cu tawata subiendo.

Awacero lo a hunga un rol, causando cu e Toyota Vitz a slip. Un persona a resulta levemente herida, pero net e momento eynan no tawata tin ambulance disponibel.

Alarma Central mester a saca un pick up di Ambulance, esta e Rapid Responder pa atende cu e persona herida.

Ambos auto a sufri dañonan considerabel. Takelwagen a ser pidi pa move ambos for di caminda.