57
Italiestraat – Diadomingo den oranan di mainta durante patruya, Polis ta topa cu un Nightcllub, situa den Orange Mall, cu ainda tabata habri, cu hende bailando, bebiendo y gosando paden.
Esaki tabata den careda di 7’or y 25 di mainta, cu polisnan atento durante nan patruya, a nota basta movecion na e nightclub aki.
Mesora e polisnan a dicidi di bay tira un miho bista y enberdad e luga ainda tabata habri cu clientenan gosando, bebiendo y bailando ainda.
E agentenan a papia cu e persona encarga cu e nightclub aki, pero e no por a mustra polis ningun documento cu ta permiti e Club aki di keda habri te den oranan di mainta.
Polisnan na e sitio a duna ordo pa cera e club inmediadatamente, E agentenan a keda warda te ora cu tur hende a sali for di e nightclub y a bandona e sitio.
E incidente aki ta pone nos corda e negoshi nocturno cu tabata keda habri te den oranan di mainta den Driemasterstraat.
Ta hopi dolor di cabes autoridad tabata a haya nan mes cu ne e tempo aya.
Masha hopi comentario por a scucha e tempo ey, cu “e di”, “ami no”, “e si”..etc etc. Un tawata tira culpa ariba otro.