Despues di un temporada hopi intenso den planificacion pa e bon marcha y exito rotundo di Carnaval 65, President di SMAC Sra. Shannon Henriquez ya caba a cuminsa dirigi e ultimo reunionnan pa finalisa detayenan cu ta keda falta di Carnaval 65 entre otro e parti financiero di e organisacion. Sra. Henriquez ta hopi contento con e aña aki a cana pa SMAC.
Diamars president di SMAC a atende cu prensa internacional y algun reunionnan cu board di SMAC y no a bay marcha di Momo na Corsou manera algun persona riba medionan social ta comenta.
E trabou ta sigui pa finalisa su liderasgo y prepara pa miembronan nobo y siguiente president di SMAC. Señora Henriquez a gradici su board di SMAC pa e exito di Carnaval 65 cu sigur a pasa tur expectativa y tambe a felicita Aruba y especialmente e pueblo Carnavalesco pa un bunita y mahestuoso Carnaval.