Segun nos Codigo penal tur hende cu tin conocimento di un caso penal ta obliga pa haci denuncia. Mirando contenido di e procesverbaal den e caso di Paul Croes cu na 2015, na 2 ocasion secretaria di Conseho di Ministro Nicole Hoevertsz a declara cu e a papia cu Paul riba e negoshi cu tur e “ontheffingen”, e pregunta ta surgi ki dia Mike Eman y Nicole Hoevertsz lo wordo investiga.
Pasobra ta mas cu visto cu Mike Eman tabata sa tur cos di e “toko” di Paul.
Pregunta importante ta: ken a manda Nicole Hoevertsz papia cu Paul Croes, pasobra Paul ta su hefe y e no tin nada di bisa Paul. Si tabata tin algo pa “reclama” ta Mike Eman como Ministro Presidente cu mester cuida integridad di su ministronan mester ahaci e trabou sushi aki y no manda un ambtenaar haci su trabou p’e.
Aki un invistigacion lo “incrimina” Mike Eman den e caso “IBIS”, pasobra ya for di 2015 e tabata sa di e negoshi cu permisonan di Paul. Pregunta si e tabata sa, di acuerdo cu nos codigo penal, ki dia na 2015 e a duna aangifte cu e ta obliga pa ley.
Mirando awor e declaracion di Mike Eman cu caso IBIS lo stroba politiconan di haci fundraising, ta implica cu Mike ta “sostene” e echonan di Paul Croes, unda e ta bisa hasta cu e ta preocupa.
Mirando con Mike Eman cu su declaracion a “incrimina” su mes no ta husto cu e ta colga Paul so, mientras e tabata sa for di 2015 caba. Defendiendo e manera di “collect” placa aki ta encera cu bo tambe ta aden. Ta imperativo un investigacion di e rol di Mike Eman como Ministro Presidente y lider di AVP. Mike “je stond erbij en keek ernaar”, acaso bo mester a sacrifica Paul pasobra su fam ta Croes?