Olijfistraat, Dakota: Diamars algo pasa di 12’or y mey di merdia, un habitante di Olijfistraat ta mira un homber desconoci actuando hopi sospechoso na cas di su bisiña, e homber a bula den cura di su bisiña, e homber a drenta den e cas y a sali cu un saco den su man.
E habitante sin miedo a dicidi di bay a hala atencion di e homber. E homber den su ansha a laga e saco cay riba caminda y cuminsa core, pasa patras di YMCA Dakota, sali pazuid di Town Dragon, dje ela core drenta e mondi pabou di unda antes tabata Arugas.
E habitante atento di olijfistraat mesora a pidi pa presencia di polis, na yegada polis a cera e mondi strategicamente cu e homber no por sali y a sinta warda, despues di mas o menos un 45 minuut ney, e homber a cuminsa cana den e mondi y asina polis a logra pone man riba e sospechoso aki.
E sospechoso tabata papia deteni spaño, ela wordo transporta pa warda di polis na Oranjestad.
Den e saco cu ela laga cay, na momento cu e bisiña a hala su atencion, nan a bin haya varios articulo cu ela caba di horta for di e cas den Olijfistraat.
