Pindastraat, Mispelstraat, Tarabana: Dialuna den careda di 11’or di mainta, un biaha mas ta pidi pa presencia di polis y ambulance cu urgencia pa un accidente na e crusada pariba di Morocho Dakota.
Na yegada polis no ta bin topa cu niun auto pero cu dos cabayero herida, nan a splica polis cu nan dos tabata riba un Hayabusa y un Toyota Yaris Blanco glas getint no a duna nan preferencia, ela sali nan dilanti y pa evita cu nan lo a dal contra e Yaris, nan a medio desvia y a cay cu e brommer, e chauffeur di e Toyota Yaris blanco a sigui core manera nada no a pasa.
Dos ambulance a presenta na e sitio y ambos cabayero levemente herida a wordo transporta pa hospital. Nan a splica polis di e yaris pero no por a coi e number di auto mirando cu e plachi number tabata full blikia.
