Oranjestad – Diasabra anochi algo pasa di 8’or a start e Aruba su Lighting Parade, cu ta atrae un publico masha grandi mes.
Ariba pia cuerpo policial a pone un team grandi, consistiendo di diferente departamento di polis pa asina mantene orden publico.
Esnan cu ta bay e actividadnan grandi ta comportando nan mes por bisa hopi bon. Despues di varios actividad grandi, por mira cu e cifra di detencion ta keda baha, cu ta algo positivo.
Diasabra anochi no tawata un excepcion, paso aki tambe a keda demostra cu cos por bay na un manera cu tur hende ta contento na final.
For di Cuerpo Policial nos a haya e siguiente infornacion:
RESULTADO LIGHTING PARADE
“Diaasabra anochi pa .20:20 SMAC conhuntamente cu Cuerpo Policial a haci inicio di e Lighting Parade . E anochi aki tabata tin 11 grupo y mas o menos 4000 participante.
Nos a conta cu 234 personal riba pia.
Diferente departamento di Cuerpo Policial a traha hunto entre otro Polis Uniforma, ME, Departamento di Recherche, AT , Motor Unit, K-9 , Personal administrativo y nos Commando Kamer. Tambe personal di CEA.
Pa 12:25 .e cabez a jega y pa 2:30 di diadomingo madruga e la jega su final.
E aña aki nos a conta cu 9 detencion. Aña 2018 tabata tin 17 detencion”.
Nos ta spera cu e ultimo eventonan grandi, tambe por tin un final positivo, sea cu menos detencion of niun detencion mes.
