Home » Dama a bira malo tras di stuur, despues di a wordo pica pa sea un Maribomba of Bij

Dama a bira malo tras di stuur, despues di a wordo pica pa sea un Maribomba of Bij

by Admin
0 comment 65 views

Tanki Flip – Dialuna merdia un agente policial na civil ta topa cu un Toyota Yaris color berde, ariba e banda robes di caminda.
Esaki tawata poco pariba di rotonde Tanki Flip.

Mesora e agente a para su auto y a baha pa mira kiko tawata pasando.
A resulta cu e muhe na stuur a bira malo, elo tawata bayendo direccion SEH ( Eerste Hulp).

E dama aki un rato prome lo a wordo pica, door di un Maribomba of un Bij y e ta alergico na e picanan aki.

Elo a sali di Jaburibari, pero altura di Tanki Flip ela empeora y su reaccion a causa cu ela bay e banda robes di caminda.
E agente a pidi Central pa manda un ambulance, y despues di algun minuut ambulance a yega.

E Paramedico a papia cu e dama y a splike kiko tur ta bay pasa, esta cu hendenan cu ta alergico na pica di Maribomba of Bij.
Despues cu e Paramedico a splica tur cos, e dama ariba su mes un forsa a subi e cama di ambulance y nan a sali direccion Hospital cune.

Polis a bisa e dama cu nan lo pone su auto na banda, esta un caminda safe. Despues cu e dama bira bon elo pasa busca su auto bek.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio