124
Nieuwstraat – Diadomingo merdia pa mas o menos 2:30, despues cu Parada di Mucha na Oranjestad a cuminsa, ladronnan tambe a activa.
Un habitante di Nieuwstraat a yega su cas y mesora a ripara algo no ta bon, porta di cura di e cas tawata habri.
Ora e habitante a cuminsa tira bista rond, e ta mira cu algun shutter di un bentana parti pariba di e cas a wordo saca of kibra.
Eynan ta caminda cu ladron of ladronnan a drenta y reboltia den e cas.
Polis a wordo yama y na nan yegada e habitante a bisa polis cu loke e ta haya falta te na e momento eynan, ta un holoshi di oro.
Mucho cos polisnan no por haci e ora eynan, y a tuma mas datos posibel y a continua nan patruya.
E doño si despues te trabou di bay ruim op tur loke e ladronnan a reboltia.
