Purun – Diasabra den oranan di merdia pa atardi personal di Guarda Nos Costa tawata activo, den area pabou di brug.
Diasabra nos por a capta algun imagen di nan accionnan, cu tawata pariba di casnan di pueblo na Sero Patrishi esta den Purun.
Den Purun tin construccion di varios cas tumando luga y hopi persona haciendo e trabou di construccion.
Eynan GNC a yega, y mesora tawata tin coremento na pia.
Agentenan di GNC, esnan cu e miho condicion fisico a sali nan tras y asina a haci varios detencion.
Situacion na Venezuela ta horibel, y hopi di nan ta sali di e pais pa un miho biba, pero mester compronde cu tin ley.
Pero lamentablemente no ta tur ta sigui e pasonan necesario cu pais Aruba tin pa ley di stranheria.
Esnan cu a wordo deteni lo controla nan papelnan den sistema di GNC, y esnan cu ta ilegal ariba e isla lamentablemente lo wordo manda bek nan pais.