Yucuri – Dialuna algo prome cu merdia polis a bay un adres na Yucuri, pa interveni den problema di fiamento di auto.
Na e adres polis ta topa un persona cu tur papel di un Hyundai Getz color blanco staciona na e cas.
Pa haci e noticia cortico, e persona aki cu tur e papelnan di e Getz lo ta e doño mes di e auto. Loke a pasa ta cu algun tempo atras(8 luna+/-), ela fia un amigo e auto aki.
Na varios ocasion ora e puntra e amigo pa e auto esaki ta saca diferente storia, manera por ehempel e ta daña etc etc.
Dialuna ela haya sa cu e auto ta na e cas aki.
A bin resulta cu su amigo a bende e auto. Despues e persona cu ela bende e Getz tambe a bira bende, te cu ela yega na e adres di Yucuri.
Polisnan a pidi pa Joy riding team, pa mira con ta bay resolve e caso aki.
Na final di cuenta polis a confisca e auto y hibe warda di polis.
Awor lo mester bay investiga con tur e problema aki ta sinta den otro y si elo bay bira un caso Civil. E auto aki a pasa den tres diferente man.