Ciclista herida despues di a wordo gedal door di un auto na Malmok

Malmok – Diadomingo atardi Strand Politie a bay ariba e caminda di Malmok, pa un ciclista cu a wordo gedal pa un auto.

Prome informacion no a papia di hende herida.

Na yegada di polis ela ripara cu e persona tawata tin dolor y tambe algun rasca na curpa. Pa e motibo aki ela pidi pa un ambulance.

E auto envolvi den e accidente aki ta un KIA SUV, cu pa un of otro motibo ta dal e bicicleta heridando e ciclista. Su situacion no ta serio, pero debi na e caida ela ricibi algun golpi.

Na yegada di Ambulance Paramediconan a opta pa hibe Hospital, pa trata e rascanan y golpinan.