134
Aeropuerto International Reina Beatrix – Diadomingo anochi agentenan di Douane recherche ta detene un pasahero cu lo a caba di yega ariba vuelo di Canada.
E pasahero masculino aki tawata tin varios maleta y un hand luggage.
Douane cu no a confia e caso a dicidi di pare y mira kiko e tin den e maleta cu e ta lastrando.
A bin resulta cu e homber aki lo a pensa cu bo ta yega Aruba y sali bay manera nada.
Douane a bay over na controla e maleta di man, y via Scanner a logra mira varios cos straño.
Ora cu a habri e maleta a bin topa cu un cantidad di pakinan di Marihuana.
Ela wordo deteni eynan mes.
Despues di interogacion di parti Douane recherchenan ela wordo translada pa warda di recherche na Frankrijkstraat. Akinan departamento di droga lo mester continua cu e investigacion.
Ariba e mesun diadomingo aki atardi, un pasaher no local kier a sali cu droga pa Hulanda, pero tambe a wordo gara. E persona ey lo mester a hiba cocaina Hulanda.
Pues Douane na Airport ta hopi atento y si bo ta pensa di pasa cu droga via Airport bo lo hayabo den problema serio.