Prome Minister Evelyn Wever-Croes, na ocacion di celebracion di 70 aña di Republica di India, a entrega un bunita discurso. E comunidad Indio a establece nan mes mas o menos 80 aña pasa na Aruba y actualmente ta conta cu 500 residente na Aruba.
E comunidad Indio semper a wordo considera como un comunidad balente y trahador como tambe honesto. E comunidad Indio a contrui grandemente na e desaroyo di economia di nos pais.
“Mi kier uza e oportunidad aki pa gradici boso pa e confiansa cu boso tin den Aruba. Pa den bon y den malo kere den Aruba y keda apesar di e retonan grandi cu actualmente Aruba ta pasando aden. Nos ta enfrentando retonan economico y financiero. Retonan social. Y nos ta enfrentando retonan di e crisis migratorio di Venezuela. Sinembargo, mi tin siguransa cu apesar di e retonan aki, si nos keda uni, nos lo enfrenta y vence tur reto hunto. Aruba a vence retonan grandi den pasado, y sigur nos lo vence retonan grandi atrobe. Hunto nos por logra cosnan grandi, pa e comunidad Indio como pa Aruba en general”, Prome Minister Evelyn Wever-Croes a expresa.