Shaba – Diasabra anochi polis y ambulance a bay Do It Center na Shaba, caminda un peaton a wordo alcansa pa un auto. Situacion na prome instante tawata mustra basta serio.
Na prome instante e situacion na Shaba tawata mustra bastante serio pa e dama, mirando cu e no tawata move mas.
Un Parmedico na off duty pasando eybanda mesora a baha di su auto y cuminsa na stabilisa e señora.
Na su pia e tawata tin un sla hopi fuerte, posiblemente esaki a fractura.
Discusion
Segun pareha di e muhe, despues di un discusion entre nan e muhe a rabia y subi caminda sin pone atencion.
Un auto biniendo for di nort no por a evita e muhe y ta dal e, mandando e basta halto.
E muhe y e homber lo tawata bebiendo for di 4’or mas o menos di atardi.
Esaki lo por a causa un of mas discusion entre nan dos, poniendo e muhe cana subi caminda sin wak trafico.
Polisnan a cera caminda pa Paramediconan por a prepara e victima y despues transporte pa hospital.