Noord – Diasabra merdia polisnan a cuminsa move ariba caya y vooral den area do Noord, unda un atraco arma a caba di tuma luga. Esaki tawata algo pasa di 3’or diasabra merdia.
For di cuerpo policial nos a ricibi e siguiente informe:
Atraco na Waikiri Condominium
“Awe diasabra atardi pa 3:30 central di polis ta wordo notifica cu un atraco a caba di tuma lugar na Waikiri Condominium na Noord .
Aparentemente e victima di e atraco a wordo atraca pa 3 persona masculino cu un arma di candela, cara tapa relativamente joven y ta papia papiamento pero no mucho bon. Testigonan na e lugar a tuma e number di e auto cu e sospechosonan a hui den dje . Polisnan atento ta topa cu e auto encuestion na Katunastraat. E sospechosonan a hui na pia na unda cu despues polis a logra detene 2 di nan y hibanan warda di polis . E auto a wordo confisca y hiba warda pa mas investigacion.
Ambulance a bay na e sitio di e sucedido pa atende cu e victima .
Loke e sospechosonan a bay cune ta un suma di afl 12.000 , un cartera, holoshi y un celular:
Atraco team a tuma e investigacion y na unda tambe polis technico a presenta na e sitio pa haci nan investigacion tambe.
Cuerpo Policial ta pidi ken cu sa of a wak algo jama nos tiplijn cu ta 11141″.