138
Shete – Diabierna atardi polis y ambulance a bay na e bahada di Shete, cu ta drenta Parke Arikok, caminda un accidente a sosode cu un quadracer.
Tawata den careda di 6’or cu algun turista compaña pa nan Tour Guide tawata bahando e entrada di Shete.
Pa un of otro motibo, un dama turista enbes di bira cu e bocht a sigui y dal contra un palo di luz.
Un impacto basta duro mester bisa. E dama danki Dios tawata tin su helm bisti, pero asina mes a keda herida cu sla na cabes cu tawata sangra basta.
Paramediconan na nan yegada a prepara e dama, cu tawata benta mey mey algun piedra skerpi.
Polis di trafico tambe a yuda e Paramediconan prepara e dama pa hibe hospital.
E dama tawata na tino, pero cu hopi dolor.
All Around Aruba Tours tawata e compania cu a host e grupo aki.
Na final un bus di e compania a presenta na Shete pa hiba e grupo nan hotel.
Na e sitio por a scucha di habitantenan, cu nan ta mira hopi wega ta wordo haci posiblemente door di e mes un hendenan cu ta traha pa e compania di Tour. Y turistanan cu no sa miho tambe ta bay “draai” cu e machinenan aki cu e chance di haya un accidente.
