Autoridad a logra haci 5 entrada hudicial unda a confisca droga y arma, tambe a logra detene 5 sospechoso.
Accion cu a cuminsa di 4or di marduga diaranson, a termina te 5or di atardi. RST a lidera e investigacion aki yama, ‘Sealand’. Nan a ricibi yudansa for di Mariniers Kazerne pa locual ta e listramento. Nan a listra den e area unda cu e inval a tuma lugar. Tambe asistencia di douane cu team di cacho y cuerpo policial pa reforsa RST den e caso aki.
Autoridad a drenta casnan na Sero Colorado, Cashero, Savaneta, Safir y Alto Vista.
Arestatie team a asisti den e inval di Sero Colorado y Cashero.Na final di e promer dia di investigacion autoridad a haci 5 entrada hudicial, unda cu 5 sospechoso a keda deteni. A logra confisca droga y arma di candela.
Un di e sospechosonan a wordo deteni den area di Airport. Mester a blokia e auto di sospechoso, un Lexus Blanco pa asina haci e detencion.
Cinco detencion tabata tin y tambe a confisca droga y arma di candela. Banda di Airport tambe a blokia un auto y asina a hasi detencion di e chauffeur di e Lexus blanco. Tremendo trabou di autoridad cu a desmantela e banda criminal cu ta den crimen organisa hacienda traficacion for di Aruba.