Caya Juancho Irausquin: Diaranson anochi un pashent di PAAZ ta yega na un hotel y ta trata na pone fin na su bida door di subi na di 18 piso y bula. Un camarera cu a mira e intencion di e dama aki, mesora a bay impedi e dama di bula y pone asina fin na su bida. E camarera a keda herida. Polis y ambulance a bay cu urgencia na e hotel.
Esaki aparentemente no ta prome biaha cu e pashent di PAAZ ta yega na un hotel y ta trata na bula for di pisonan halto. E dama ta sufri di problema mentalmente hopi serio.
E Dama aki aparentemente basta añanan pasa e lo tabata traha na e hotel aki. E dama lo tabata sa cu e camareranan ora di haci e cambernan limpi nan ta laga e portanan di camber habri y asina aki ela probecha di drenta den un di e cambernan aki.
Un camarera cu a mira e intencion di e dama aki y mesora a core wante y impedi pa e bula, den e lucha aki e camarera a tene e dama y esaki a busha e camarera te cu ela dal su curpa te keda herida. Mientras e camarera tabata grita pa auxilio otro coleganan a sali yude y asina tambe scapa e dama di un morto cruel.
Na yegada polis nan a bolbe bisa cu nan lo hibe PAAZ. Personal di ambulance a trata e camarera y despues a transporte pa hospital.