Palm Beach – Diahuebs mainta den careda di 10’or Forensys tawata caba di atende un boksmento na e luznan di trafico na Palm Beach, y ta scucha un dalmento.
Ora cu a bay mira, un otro accidente pa motibo cu e luznan di trafico ta for di servicio pa basta tempo.
E accidente cu a sosode e momento eynan tawata un turista, cu no a pone tino y a subi e crusada dal un BMW.
E ocupante di e BMW tawata sinti un poco dolor na pia.
Simannan tras di otro sin luz di trafico y diaramente tin accidente ariba e crusada aki.
Ariba Sasaki direccion nort prome cu yega e luznan, a pone borchinan grandi indicando pa baha velocidad paso e luznan no ta trahando. Pero esaki parse tampoco ta yuda mucho.
Ki dia e luznan aki lo wordo drecha of si un dia nan wordo drecha ta keda e pregunta.
Tempo no ta warda, y desgracia ta eynan mes wardando pa pasa. Nos ta papiando di bida di hende, haci algo prome cu ta laat.