Eagle: Diamars den oranan di marduga polis ta bay cu urgencia na un oficina den Caya Punta Brabo, un poco pazuid di Hospital. E guardia di seguridad na e sitio tabata pidiendo pa presencia di polis.
Na momento cu e patruya di Oranjestad a yega na e sitio, nan a bin compronde cu ladronnan lo kier a drenta den un oficina, e oficina aki ta unda e departamento di Recursonan Humano di Hospital ta ubica. E oficina ta keda net pafo di e cura di hospital.
Polis mesora a tuma tur datos y a nota cu ladronnan a kibra glas di un porta. Muy probablemente nan lo a kibra e glas cu intento di drenta horta, pero pa un of otro motibo no a logra y lo a bandona e sitio.
Polis a papia cu e Guardia di Seguridad y durante dia esnan concerni lo atende cu esaki. No ta conoci si por tabata tin un camara di seguridad cu lo por a capta algun imagen di e persona cu tabata kier a horta den e oficina aki.