Algun minuut prome cu nan a bandona: Pareha deteni, sospecha di fraude cu credit cards

Aeropuerto International Reina Beatrix – Recientemente departamento di recherche di Oranjestad a detene un pareha Colombiano.
Esaki a sosode algun rato prome cu nan lo a subi avion, cu destino Bogota.

E pareha aki ta wordo sospecha di posibel fraude cu Credit Cards, esta skimming.
Posiblemente un of mas negoshi lo a avisa autoridad di e carchinan di credit cards cu lo no tawata ariba nan nomber.

Segun nos a compronde, tin algun cosnan sospechoso/straño pasando ariba e ruta di Bogota pa Aruba.
Recherche awor tin di haci su investigacion, y mira kiko tin di berdad tras di e caso aki.