Home Sports Anochi di información pa studiante pa estudio di CIOS.

Anochi di información pa studiante pa estudio di CIOS.

 

 

Diamars 5 februari  2019 pa 6:00 pm na Centro Deportivo Betico Croes (ASU) lo tuma lugar un anochi di informacion unda e studiante conhuntamente cu su mayor(nan) por haya mas informacion pa cu e estudio di CIOS.

E anochi di información lo wordo duna e.o door di Amber Jones un studiante rubiano actualmente terminando su estudio na CIOS  Arnhem y Martin van Wijk cu ta un docente na CIOS Arnhem.

 

Admision pa Estudio CIOS:

Hobennan cu ta interesa mester tin minimo un MAVO diploma of prueba di HAVO 3 pa HAVO 4. E aplicante mester haci diferente test  pa mira si e ta cualifica pa drenta e Instituto CIOS na Hulanda. E prome test ta un test fisico cu si pasa esaki positivo por sigui pa e siguiente test cu ta esun di idioma Hulandes y di Matematica cu ta wordo haci online. Na final di e testnan online lo bai tin un evaluación verbal cu lo wordo guía door di un docente di CIOS – Arnhem cu lo bin Aruba na luna di april. Si e aplicante pasa tur e testnan positivo e por wordo admiti na e Instituto di CIOS. Ta conseha pa e hoben tin 18 aña di edad, pa asina e por aplica pa un fiansa di estudio via “Dienst Uitvoerend Onderwijs”  DUO na Hulanda, mirando cu Aruba no ta duna un fiansa pa estudio riba e nivel di MBO. (E test aki ta solamente pa admision pa CIOS na Arnhem)

Esnan cu ta interesa y ta desea mas informacion por tuma contacto cu sra. Jacqueline van Putten  via email: Jacqueline.vanputten@gobierno.aw