Home Entertainment Cuminsando for di mucha te na hende grandi Aruba Bank ta...

Cuminsando for di mucha te na hende grandi Aruba Bank ta sostene Quality Brassband cultiva asambeho

SHARE

 

 

ORANJESTAD, Aruba – 10 di Januari 2019: Cultura ta importante pa Aruba Bank y p’esey semper nan t’ey pa sostene. Un biaha mas ta aporta na cultura y e biaha aki sosteniendo Quality Brassband durante e periodo aki di carnaval 65.

 

Quality Brassband ta un grupo di brassband forma pa hobennan masha disciplina, den un esfuerso pa sigui promove y desaroya musica asambeho. Sosteniendo Quality Brassband ta traduci den sigui engrandece nos musica, nos cultura.

 

E grupo di brassband ta guia y siña hobennan e forma corecto pa crea musica, pero tambe con pa lesa letranan di musica. Un total di 20 hoben ta ricibiendo guia pa ta miho den e genero di musica aki. No solamente ta siñando hobennan, pero muchanan entre 5 pa 10 aña tambe ta ricibiendo e guia necesario.

 

Aruba Bank ta contento y orguyoso di por yuda Quality Brassband realisa musica cu hobennan, pero tambe pa sigui engrandece nos cultura.