Savaneta – Diamars den oranan di merdia polis a haya informacion cu un dama lo ta contra su boluntad, den un apartamento di placer.
Mesora un patruya a cuminsa bay e sitio. Y enberdad na e apartamentonan aki cu bo ta huur pa ora, a bin topa e dama.
E dama a admiti cu elo tawata wordo teni contra su boluntad for di dialuna anochi.
Yiu di e dama a bati alarma cu su mama ta secuestra. Posiblemente den un rato cu e homber a descuida, e dama a logra contact su yiu y bise unda e ta.
Patruya di San Nicolas a bay e apartamentonan di placer conoci bou e nomber “Cabayito Nos Luga” situa na Savaneta. Y na yegada enberdad ta topa cu e dama, esta mama di e mucha cu a bati alarma, y e homber.
Loke a pasa
E homber y e muhe aki tawata pareha, y aña pasa pa un of otro motibo e relacion a caba.
Parse cu e homber lo no por biba cu e relacion amoroso a caba, y lo a bay haci algo extremo cu a hinke den basta problema awor.
Patruya a hibe warda di San Nicolas y despues a trece warda di Oranjestad, unda cu e lo wordo pasa pa JZP(Jeugd Zeden Politie).
