Despues cu nos por a wak con gobierno actual a presenta e reforma fiscal unda cu un total di 30 mil hende no lo paga loonbelasting mas, specialmente pa esnan mas vulnerabel den nos comunidad lo sa di bai dilanti. E pregunta ta surgi con ta para cu e classe medio, con ta para cu nos profesionalnan cu a sacrifica parti di nan bida pa logra un titulo mane por ehemplo nos cuerpo di docentenan.
Un pregunta cu a surgi ta cuanto nos cuerpo di docente lo mester entrega o lo conoce un alivio y lo sa di bai dilanti den nan entrada?
Den e caso aki nos cuerpo di docente y nos profesionalnan den otro profeshonnan lo conoce un rebaho den nan loonbelasting. Unda cu p.e. un docente cu un entrada annual di rond di 90,000 lo bai paga 1,622 florin menos na loon belasting. Su loon belasting lo baha di 13,489 (2018) pa un suma di 11,867 (2019). Ademas esnan cu ta traha den gobierno y nos cuerpo di docentenan lo conoce un aumento den nan bashi premie, back to school premie, y tambe den nan gelijk bedrag.
Cu esaki e lo trece un alivio den hopi hogar unda cu nos hendenan por wak un adelanto den e cantidad di placa cu nan ta hanja den nan man fin di januari awo caba.
Y esaki ta unicamente e prome fase di e reforma fiscal, unda cu sigur ta trece un Alivio den hopi hogar aki na Aruba.
