Tanki Flip/Driemasterstraat – Den oranan di anochi durante un investigation di un Hit & Run, algun persona a lanta cu un agente policial femenino. Un sospechoso y su amistadnan a bira agresivo unda e agente mester a pidi resfuerso. Mientras cu tawata wardando pa esaki,e agente policial a haye necesario pa los tiro di advertencia.
E seriedad di e situacion a causa cu e agente a sintie necesario pa saca su arma reglamentario y los tiro pa asina trece bek algun orden. Momento cu resfuerso a yega, nan a logra hinka e sospechoso den dogcatcher pa transporte.
Como cu mester tin un record exacto di locual a sosode awenochi, cuerpo tecnico y e hefenan di Cuerpo Policial mester a wordo notifica.
E incidente cu a resulta den e drama aki, tawata e Hit & Run cu a sosode altura di Kazerne di Bombero na Tanki Flip. Un ex-agente policial a core tras di e chauffeur aki pero a perde e auto.E auto tawata un Ford Ranger.
Afortunadamente, e persona a logra nota e nummerplaat. Cu e informacion aki, polis di trafico a logra yega na e adres situa na Driemasterstraat. Mientras cu tawata bayendo na e cas na Driemasterstraat, autoridad a topa e chaueur cu a comete e Hit & Run. E chauffeur a duna indicacion di ta bou di influencia.
Agentenan a haya nan ta detene e chauffeur y dos dama pa motibo cu nan a lanta contra un agente policial femenino. Durante cu e confrontacion na e adres a bay for di man, e agente a los dos tiro di advertencia.
Momento cu e detenidonan tawata den dogcatcher, sub-fiscal a informanan di nan derecho prome cu transporte.