Homber seriamente herida despues di a wordo gekap cu machete na diferente parti di su curpa

Savaneta: Dialuna algo despues di 10’or y mey di anochi, dos patruya di polis ta wordo manda na Savaneta 23, un cas cu ta keda un poco mas pariba di La Granja, esaki pa un pelea cu lo a bay completamente for di man.

Na yegada, polis ta topa cu un homber seriamente herida, tur na sanger. E homber tabata tin kapnan serio na diferente parti di su curpa. Mesora a pidi pa presencia di ambulance cu maximo urgencia.

Na yegada di ambulance mesora e personal di ambulance a prepara e victima y cu hopi urgencia nan a  transporte pa hospital.

Tambe a pidi pa presencia di departamento tecnico di polis y recherche.

Te na e momento aki no ta conoci e motibo y ni ken a kap e homber aki.