Ladron activo area di The Mill, no laga nada di balor na bista

Palm Beach – Dialuna marduga durante cu polis tawata bezig cu e Hyundai cu perde control y dal autonan staciona, un pareha a acerca nan.

E biaha aki tawata pa motibo cu ladron of ladronnan a kibra nan glas di auto y bay cu un tas.
Tawata trata di un Toyota Corolla, tambe nan a habri e hood, cu intencion di bay cu e bateria pero esaki si no a logra.

Segun nos a compronde cu e marduga anterior, un otro auto staciona eybanda tambe a wordo kibra y ladron a bay cu un camara.
Pues posiblemente ta trata di e mesun persona, cu ta opera den e area aki.