Home Police Chauffeur burachi a causa accidente na Sero Blanco, tawata tin dos envolvi

Chauffeur burachi a causa accidente na Sero Blanco, tawata tin dos envolvi

Sero Blanco – Diahuebs anochi polis a bay Sero Blanco pa un accidente di trafico, y cu hende herida.

Na yegada polis a constata cu ta trata cu un chauffeur no a regula su velocidad y a dal tras di un otro.
Tawata trata di un Mitsubishi y un Toyota Tercel.

Den e Tercel tawata tin un dama y dos mucha, mirando e impacto cu tawata basta duro a pidi pa ambulance por controla e muchanan.

Pa loke ta chauffeur di e Mitsubishi ela wordo deteni pa core auto bou influencia.
Paramediconan a controla e muchanan na e sitio.