Sra Astrid Vries, presidente y fundador di Fundacion Ban Educa y Prepara ta hopi contento y satisfecho di a realisa e di dos annual di derecho humano pa pueblo celebra un dia asina importante cu ta dia di derecho humano y lo continua na organisa celebracion di dia di derecho humano e anjanan nos dilanti. E Fundacion kier a gradisi tur esnan cu a sali y a comparti e pensamento y a celebra e anochi aki den union. E Fundacion kier a duna danki na tur esnan cu a haci e Proyecto aki bin na realisacion. Danki na Massive Brassband cu a compania e publico riba caminda unda cu nos tur por a cana, baila y jump celebrando nos dia di derecho humano. Danki na Ymca San Nicolaas cu a presta nos e lugar pa nos por a tene nos actividad. Danki na Dj Alvin Wever cu a juda nos cu sound, Nico Connor cu a deleita e publico cu dushi musica riba steelpan, Joseph Dumpfries cu tambe a canta pa e publico. Danki na cada un orador cu a comparti informacionnan balioso riba e tema di derecho humano. Fundacion Respeta mi a papia tocante di derecho di mucha, Michele Brooks a papia riba derecho di trahador y e responsabilidad cu cada un di nos tin den nos trabow y cu nos pais, Sra Sandra Brown cu a papia riba derecho di hende muher y Sr Francis Groeneveld di Fundacion Hende Homber a papia riba e derecho di hende homber y kiko tur tambe un ser mascolino ta pasa aden. danki na Sra Marcia Dirks cu tambe a hiba palabra. Danki na Balashi cu a sponsor nos refresconan, danki na Emco cu a juda nos cu bandera di Aruba, danki na The Elohim Agency cu a sponsor nos T shirt y Banner, danki na Alipio Jimenez cu su mesa jen di cocada y cosnan dushi pa pasa boca, danki na esnan cu a zorg pa cos di come, danki na Adrian Donayre y Angela Martinez cu a saca potret. Un danki grandi na Sra Liannie Donayre cu e compromiso haci di juda cu nos ultimo dos proyectonan.
Asina aki nos a logra realisa nos Proyecto Dia di Derecho Humano 2018.
E Danki mas grandi na Dios cu e vicion deposita den e fundacion y lo keda confia Dios cu mas vicion pa e pueblo especialmente pa nos muchanan.
Corda cu “ Nos tur ta un” y tambe “ Ningun persona mag di ta sin derecho”.
Ban trata otro cu respet manera articulo un ta para den nos constitucion. Nos tur a nace liber y igual den dignidad. Trato igual pa tur persona, derecho igual pa tur persona y oportunidad igual pa un y tur. Aruba un mama pa nos tur hasta na su yiunan adopta cu ta tur esnan di diferente nacionalidad a bin biba na nos cas cu jama Aruba. Trahando huntu y tratando otro cu amor y respet nos tur lo bai dilanti den bida. Anja 2019 lo bai ta un anja bendishona. Ban laga nos tur cana den nos bendishon. Keda pendiente pa mas Proyecto cu Fundacion Ban Educa y prepara lo tin pa bosonan den anja 2019. Derecho Humano ta: Sin mira rasa, creencia, color, edad, genero, sexualidad, nacionalidad, idioma cu bo ta papia, color politico, condicion fisico.
Danki Pueblo di Aruba pa boso sosten!
Por sigi nos riba nos facebook page: Aruba Human Rights for all.
Desea bosonan tur Un Bon Pasco y Felis Anja Nobo 2019.