Tanki Leendert – Diadomingo anochi pa mas o menos 9:50 p.m, varios unidad di polis a bay altura di e mall na Tanki Leendert, unda lo tawata tin un pelea grandi andando.
Na yegada di polis nan a topa cu esnan envolvi y a nota cu tin un persona herida na su wowo.
Na e sitio nan a wordo splica cu e problema a start momento cu doño di un auto a bay reclama un homber. E homber aki lo tawata orina na su auto of net banda di su auto.
Esun cu tawata haciendo esaki lo no a gusta, y aki tawata caminda un discusion a start y menasa tambe.
E problema no a keda te eynan, e homber cu tawata orina ariba caya a bay na su auto y coy un pata di cabra.
Ora ela bin bek pelea a start y e doño di auto mas cu claro mester a defende su mes, pero ta resulta herida na altura di su wowo.
Polis ta detene e agresor y a transporte pa warda.
Loke ta e victima, polis a conseha su persona pa bay Eerste Hulp, y despues entrega un keho oficial contra e homber cu a atake cu e pata di cabra.