Chauffeur burachi a dal dos cura di cas kibra na Pavia

Pavia – Dialuna marduga pa mas o menos 5’or a.m, polis y ambulance a bay Pavia pa un accidente di trafico.

Na yegada nan ta constata cu e chauffeur tawata bou influencia, y debi na esaki lo a pega soño y dal dos cura di cas kibra.
Prome cu esaki ela pasa raspa un palo di luz.

E auto tawata un Toyota, y momento cu polis y ambulance a yega parti dilanti di e auto tawata hinca den cura di e cas. Den e auto e chauffeur sinta ta wak rond, por a mira un herida na su cara.

Segun nos a compronde na e sitio, e chauffeur a baha caminda dal un cura di cas y despues bay otro banda dal un otro.
Paramediconan a yude baha for di auto, caminda ela subi ariba e stretcher pa wordo tranporta pa hospital.