Nissan March a bolter na Tanki Leendert

Tanki Leendert – Diabierna den oranan di marduga habitantenan di Tanki Leendert a scucha un zonido duro.
Esnan cu a scucha esaki a avisa polis.

Mesora a manda un patruya bay tira bista.
Na yegada patruya ta topa cu un Nissan March, cu lo a bolter un rato prome.

Na e sitio nos a compronde cu probablemente velocidad halto lo a causa cu e chauffeur a perde control ariba e vehiculo.
No tawata tin hende herida.