62
Cumana – Diasabra anochi pa mas o menos 9’or, polis a wordo manda altura di un supermarket na Cumana.
Na e sitio dos muhe lo tawata bringando basta formal.
E damanan no kier a rasona y tension tawata halto, tur esaki den presencia di polis. Pues nan no tawata worry cu polis.
Loke polis por a saca afo ta cu e dos muhenan aki a bringa pa un hende homber.
Nos no sa cua di e damanan ta e derde persoon.
Polis a opta e momento eynan pa detene ambos muhe y hibanan warda. Acusacionnan tawata bay bin.
Esun cu ta pareha oficial di e homber lo tin di bay sinta na mes y regla e asunto aki.