Hadicurari: Diamars algo prome cu 12’or di merdia ta surgi un pelea cu tiramento di piedra na altura di Moomba Beach, mesora ta pidi pa presencia di polis.
Na yegada polis ta bin compronde cu lo tabata trata di un problema entre e companianan di watersport. E pelea a inicia cu tiramento di palabra, despues a yega un auto y un di e ocupantenan di e auto aki a cuminsa busca problema cu un homber cu ta traha na un di e companianan aki, E homber tabata canando pa bay na su autou y ora e ocupante di e auto a ripara cu e homber no ta worry cune, e ocupante lo a manda e homber cu un piedra. E homber na su turno tambe a coy un piedra y a mande riba e auto.
Asina aki cos a bay for di man, cu polis a dicidi di detene ambos partido y transporta nan pa warda di polis, pa asina haci mas investigacion.