Dadelstraat – Diamars mainta algo prome 9’or por a mira un cantidad grandi di polis na crusada ex Rondweg cu Dadelstraat.
Na e sitio polisnan a para un auto y ta boei un persona y hinke den auto di polis.
Segun nos a compronde durante oranan di marduga ya autoridad tawata buscando e homber aki caba, pero no a logra haye.
E persona aki ta ruman di Luis Maduro, cu a wordo tira diasabra merdia den Caya Juancho Kock.
E mesun ruman aki a post ariba su Facebook un foto mustrando un arma di candela, y a scirbi ” Ku bo drumi ba ronca”. Esta cu bo lepia bo ta morto.
Recherchenan cu ta tuma e tipo di cosnan aki hopi na serio y mirando kiko a pasa diasabra merdia mesora a drenta den accion y busca e homber aki.
Pa di e manera ey por haya e arma cu ela pose cune ariba FB y tambe haya sa kiko su intencion ta.
Autoridad posiblemente lo busca e amigo di dje sinta na banda tambe, pa mira kiko e por sa.
Pa awor e homber aki ta deteni y lo mester bisa unda e arma aki ta.